Gobernador nagalaum nga matapos na ang gamo sa Middle East; presyo sang produkto petrolyo ginapaabot nga magatimbook na next week

Gobernador sang probinsya ang naga laum nga kuntani indi na mag lala pa gid ang sitwasyon sa Middle East kasunod sang pag pamomba sang US kag Israel sa Iran.

Suno kay Governor Eugenio Jose Lacson, indi maayo ang sitwasyon pero wala siya naga dula sang paglaum.

Isa sa una na apektuhan sang konplikto ang presyo sang gatong. Sa una nga adlaw sang trading sini nga semana kasunod sang gamo sa Middle East halos napulo ka pesos ang saka sa presyo sang diesel, masobra naman sa P10 ang saka sa kerosene kag masobra sa P4 ang sa gasolina.

Ang shipping sa Strait of Hormuz nga nagaserbe nga alagyan sang one-fifth sang gatong nga ginakonsumo sa bilog nga kalibutan ang halos wala na naga giho sa tunga sang pag pang atake sang Iran sa mga oil tankers sa region.

Suno kay Lacson kuntani indi na magdangat nga matabo ang rationing.

Madugay na nga plastado ang sistema sang Kapitolyo suno kay Lacson sa pag pasiguro nga maka kinot sa gasto paagi sa efficient nga gamit sang mga government vehicles. Liwat niya nga ipahanumdom ini sa mga nag kalain lain nga departamento.*

[sibwp_form id=1]