Digicast Negros

Gobernador mas gina pahalong ang publiko bangud sang pagsaka sang kaso sang COVID-19

Ginahaylo ni Negros Occidental Governor Eugenio Jose Lacson ang publiko nga doble maghalong kag magpatuman sang proteksyon kontra COVID-19 karon nga naga saka ang kaso.

Kun mahimo suno sa gobernador ang mga naga gwa mag double mask, bisan pa gani nga yara sa balay kun mahimo mag gamit sa gihapon sang mask, likawan ang dalagko nga pagtililipon kag mga selebrasyon. Kun mahimo magteniir na sa kaugalingon nga banwa ukon siudad.

As of April 4, 474 ang active cases sa Negros Occidental.

Kalabanan diri mga local transmission. May pinaka mataas nga na record nga kaso ang San Carlos City, 119. Suno sa gobernador nalakip na diri ang kaso sang mga katapo sang choir nga nagpadulong sa manapla para mag perform.

Suno kay Mayor Renato Gustilo, sa 41 ka katapo sang amo nga choir, 27 ang nagpositibo sa COVID-19 kag ginahulat pa ang resulta sang iban.

Manageable pa ang kadamuon sang kaso sang COVID-19 sa probinsya suno kay Lacson pero mahimo nga malawig pa ang tion naman kag mapanubo ini. Nagdangat na kuntani sa 58 ang pinaka diutay nga na record nga active COVID-19 cases sang Negros Occidental.

Exit mobile version
Skip to toolbar