Isa ka taxi driver ang nagpa blotter sa Police Station 2 sa Bacolod matapos mabuka ang iya windshield kay ginsumbag sang tatay sang isa ka doktora sa sulod man mismo sang compound sang CLMMRH mga las 6:30 sini nga gab-I, March 16.
Nagahulat ang taxi driver sa manug gwa nga pasahero sa ospital sang mag abot ang Innova nga gina drive sang tatay sang isa doktora.
Ginbudlayan ang doktora sa pagbukas sang puertahan gani gin tuktok niya ang taxi. Nag isol ang taxi pero hinali na lang nanaog ang tatay sa Innova kag ginsumbag ang windshield sang taxi.
Nag alegar ang amay ni doc nga nabungguan ang iya anak pero wala man ini maigo suno sa drayber kag saksi man ang security guard sa ospital.
Ginhambalan ang tatay nga hulaton ang pulis para i-settle sila sang driver pero gilayon na lang ini nga nagsakay sa salakyan kag nagbiya.
Naga problema ang taxi driver kay wala na siya gani maka padayon sa pagbiyahe, may inugpakayo pa siya nga windshield sang taxi nga iya lang man gina rentahan.
Nakilala ang doktora pero hungod nga wala gin hingadlan kay wala pa makuhaan sang ila man nga side sang iya amay.*