Tigayon na nga ginlagdaan ni Presidente Ferdinand Marcos, Jr., ang lima ka tuig nga termino para mga opisyales sang Barangay kag Sangguniang Kabataan kag ang pag paisol sang amo nga piniliay.
Gin-publish naman ini sa Official Gazette.
Kasunod sang pag lagda ni President Marcos, nag pa gwa sang announcement ang Commission on Elections nga indi na madayon ang piniliay sa November 2, 2026. Tigaylo natalana na ini sa November 13, 2028.
Gina kansela man sang COMELEC ang Calendar of Activities nila, nagalakip ini sang filing sang Certificates of Candidacy humalin September 28 tubtob October 5, 2026, pati na ang ban sa disbursement sang public funds, transfer, appointment, promotion, suspension, kag iban pa, kasubong man ang natalana nga Election Period nga maga sugod kuntani sa October 3, 2026.
Naga abiso man ang COMELEC nga bantayan ang liwat nga pagsugod sang voter registration sa ika duha nga semana sining November 2026.
Para kay Cadiz Mayor Salvador Escalante, Jr., kun na postpone man ang BSKE, mag ugyon na lamang sa wisdom sang mga lider sang pungsod. Kay may extension sa termino sang mga naga pungko nga barangay kag SK officials, kun may mga bagay nga dapat bag-uhon sa ila nga pag pangalagad tion na nga makabawi, kun maayo nga nga daan ang ila nga pag patuman sang ila nga katungdanan higayon man ini nga sila ang makapadayon.
“Elections are a guage sang aton performance. If you think damo ka kontra siguro may kakulangan ka. It’s about time to adjust, make corrections. Ang manami nga reason nga behind nga ma postpone for two years ang election is for our barangay leaders to adjust make amendments, to correct. If there’s a need to correct and to continue kun sakto gina obra mo,” suno kay Escalante.
Para naman kay Kabankalan Mayor, Benjie Miranda luyag niya gid kuntani nga nadayon ang BSKE kay malawig naman naga pungko ang mga opisyales karon. Pero kay napaiway ini iya nga gina respeto ang desisyon.
“Gusto gid tani naton madayon ang election sa barangay kag SK kay tungod malawig naman ang ila nga pag serbisyo. Ang akon gid tani, dayunon ang election subong then ang next nga election dira na ang 5 year term and two terms. Galing wala ta may mahimo kay damo man nga mga even ang Congress and Senate amo na nag-upod ang Presidente,” suno kay Miranda.
[sibwp_form id=1]