Suno kay Engineer Hospicio Carbajosa, Jr., ang Municipal Disaster Risk Reduction Management Officer sang Toboso sang Hwebes 6 feet ang kadalumon sang pag usmod sang duta.
Pero sa pag balik sang ila nga personnel Biyernes sang aga, nangin 9 feet na ang takos sang pag ka usmod sang duta.
Tigayon na nga naka padala sang litrato ang Office of the Civil Defense NIR sa Mines and Geosciences Bureau kag sila ang natalana nga mag inspeksyon sa lugar.
Ang team gikan sa Provincial Environment and Management Office ang natalana nga mag bisita man sa lugar suno kay Carbajosa.
Gina patihan nga ini ang isa ka sinkhole suno kay Carbajosa labi na nga common ang limestone sa amo nga area.
Sa kilid sang bahin sang bukid ang nag usmod suno sa MDRRMO kag ini ang malayo na sa mga pumuluyo.
Hwebes sang aga sang una namutikan ang mga litik sa duta sang pumuluyo, nga may 30 meters ang radius. Ang diameter sini mga 60 meters suno kay Carbajosa.
Mga 500 meters naman ang kalayuon sini sa national highway. Kag mga 450 meters naman ang kalayuon sini gikan sa Calatrava-Toboso fault line.*
[sibwp_form id=1]