Madayon ang pag panagtag sang probinsya sang cash assistance gikan sa National Housing Authority kun nalakip ini sa exemption sa Comelec ban.
Suno kay negros Occidental Governor Eugenio Jose Lacson sila ang nag pakig-angut na sa NHA para mapat-od kun bala ang 94.6 million nga cash assistance para sa na igo ni Bagyo Odette sa probinsya ang nalakip sa exemption.
Kun nadala man lang maga padayon ang pag panagtag sini suno sa gobernador. Sa Marso 25 na magasugod ang banning sang Comelec.
Wala maka release sang assistance ang probinsya bangud nga wala pa maka submit ang mga LGU sang masterlist nga naga santo man sa damlag pa lista nga ila na submit sa NHA.
Suno kay Provincial Administrator Rayfrando Diaz, ginatinguhaan sang probinsya nga maka comply sa requirements sang national government ilabi na nga may kabudlayan man ini kag wala man sang pagpabaya nga natabo sa bahin sang probinsya.
Ang mga LGU suno sa iya ang nangin masako man sa iban pa gid nila nga compliance bahin sa pondo nga nag abot gikan man sa national government bilang bulig sa Odette victims.
Madasig man nga na download ang pondo pero sa bahin man sang NHA may delay man labi na sa pag-abot sang moa.
Wala man sang showcause nga nabaton ang probinsya angut sa natungdan nga pondo.
Samtang, may 67.1 million pesos nga programa ang DSWD sa idalom sang disaster response management division para sa 17,000 ka mga beneficiaries kun sa diin sila ang paga hatagan sang obra sa sulod sang napulo ka adlaw.