Nadiskubrehan sang kapulisan ang kinutkutan sa idalom sang duta sa Sitio Sinambulong 2, Barangay Mabini sa Esalante City nga magaserbe kuntani nga hideout ni Je-ar Escares, ang lider sang grupo nga Alpha Omega nga gina alegar daw kasubong sang isa ka kulto.
Nagpapili man siya sadto sa pagka alkalde sa siudad sang Escalante pero sang nagligad nga semana sang una nga ginserbehan sang Warrant of Arrest sa kaso paglapas sa Presidential Decree No. 1689 (PD 1689) ukon syndicated Estafa sa Circumferential Road, Brgy. Hacienda Fe, Esacalante City.
Suno kay PLt.Col. Albert Sy, hepe sang Escalante City PNP, sang Lunes sang aga, liwat nga ginserbehan sang dugang nga warrant of arrest sa amo man nga kaso si Escares.
Dugang pa sang pulis nga ang grupo ni Escares ang nagapangolekta sang kwarta sa ila mga miembro kabaylo ang pasalig nga mahatagan sila sang balay.
Si Escares ang detained karon sa Escalante City Police Station kag wala sang piyansa ang iya nga kaso.