Pagatutukan sang mga kapulisan ang gina-alegar nagakatabo nga drag race sa Bacolod-Negros Occidental Economic Highway malapit sa Abada-Escay sakop sang Barangay Granada kag Barangay Vista Alegre sa siudad sang Bacolod.
Suno kay Bacolod City Chief Traffic Enforcement Unit Officer, Police P/MAJ. Ramel Sarona nagmando na ini sa mga Station Commander sang Police Station 5, 7 kag 10 nga tutukan ang reklamo.
Suno kay Sarona nga nag coordinate na siya sa tatlo ka police station agud magpahamtang sang mobile kag motorcycle patrol para madakpan ang sin-o man nga naga pakigbahin diri.
Dugang pa niya nga magabulig man ang mga katapo sang Traffic Enforcement Unit sa monitoring sa area.