Labor sector sa probinsya nagapangayo sang dugang P100 nga purchasing power sa baylo sang P355 nga dugang nga sweldo.
Ginasuportahan sang mga labor group sa probinsya ang P750 nga minimum wage across the board nga gin duso sang Fuersa-Super.
Pero nahangpan ni Wennie Sancho, tiglawas sang labor sector sa Regional Tripartite Wages and Regulatory Board nga mabudlay bisan para sa management sector ang P355 nga dugang nga sweldo ilabi na karon nga pandemic.
Gani sa baylo sang P750 minimum daily wage, igahinyo nila sa natalana nga RTPWB public hearing sa Abril 8 ang dugang nga P95-100 nga dugang sa kada adlaw nga sweldo para sa restoration of purchasing power sang mga trabahador.
Nagalaum man sila sa national government para sa dugang nga cash aid, price discount kag mga emergency job creation program agud makatibawas sa epekto sang pagsaka sang presyo balaklon tuga man sang saka sa bili sang petroleum products, kuryente kag tubig.
Para naman sa management sector mabudlay ang gina ayo sang labor sector para sa dugang nga sweldo amo nga kuntani tinguhaan sang national government nga makahatag sang dugang nga subsidy kag opportunidad sa trabaho.