Asta karon may malapit isa ka gatus pa nga mga barangay workers kag staff lakip na mga barangay officials ang wala makabaton sang honoraria sini nga Disyembre.
Gani agud mapaathag man sa publiko kun diin nagkadto ang pondo sang barangay, ginpakamaayo ni Punong Barangay Febe Legaspi nga magbutang sang tarpaulin sa gwa sang barangay hall nga nagapakita man sang mga utang kag iban pa nga balayran sang barangay antes siya liwat nga nakabalik sa pwesto.
Nakasaad man sa amo nga tarpaulin ang kapin P1.8M nga budget deficit sang barangay.
Suno kay Legaspi ang barangay council ang nagpasar na sang P30M proposed budget sa 2024 agud masabat ang ila financial obligations kag iban pa nga kinahanglanon agud mapasanyog ang pagserbisyo sa pumuluyo.
Nagpasalig man siya nga padayunon ang pag install sang tarpaulin bilang pagpakita sang transparency sa panghimanwa.