Redistricting bill mangin prayoridad sang Congressional Committee on Local Government sa madasun nga tuig.
Ginsiling ni Bacolod Lone District Representative Greg Gasataya nga ginpasalig sa iya sang pamuno sang Committee on Local Government sang kongreso nga mangin
prayoridad nila ang House Bill 297 ukon ang re-districting bill nga liwat gin-file sang kongresista sa 19th congress.
Naga panguna ang hearing para sa re-districting bill sang Bacolod sa pagbalik sang kongreso sa madasun nga tuig. Gindugang ni Gasataya nga wala man sang mangin problema sa Senado bangud suportado man ni Senador JV Ejercito sang Committee on Local Government sang senado ang amo nga hagna. Para sa iya long overdue na ang pagtunga sang Bacolod sa duha ka distrito. Nagapati siya nga ang dugang nga representation sa kongreso kun matigayon ang re-districting ang magakasayuran man sang dugang nga pondo para sa ginapaabot nga mga infrastructure projects sa siudad.