Public Private Partnership project para sa paghakot sang basura ginaplano sang siudad.
Sa Disyembre na lang kutob ang kasugtanan sang Bacolod LGU kag IPM-Construction and Development Corporation nga amo ang private garbage collector sang siudad.
Nagaplano si Mayor Albee Benitez nga sa madasun nga tuig, mapaidalom na sa Public Private Partnership ang pagkolekta sang basura sa siudad agud nga sarang man maka-invest ang mga private company nga magaserbe proponent sang proyekto.
Ang IPM ang nagaserbe garbage collector kag nagadumala man sang sanitary landfill sa Barangay Felisa.
Magluwas diri ginaplano man sang siudad ang PPP project para sa ginadihon nga recycling plant nga itukod malapit sa landfill.
Gina proseso na sang LGU ang pagbakal sang 30 hectare property para sa proyekto kag para sa bag-o nga sanitary landfill.
Ang zero waste program ang target sang Benitez administration.