Masobra 240 ka mga flower vendors tugutan makabaligya sa apat ka mga designated areas sa tigkalalag sa Bacolod.
Kada pista minatay temporaryo nga ginapasirad-an ang dalan Burgos sa atubang sang Bacolod North Public Cemetery.
Kabahin ini sa mga lugar nga gintalana para sa mga flower vendors sa siudad nga maka-negosyo kun Tigkalalag.
Ginsiling ni Councilor Celia Flor, pamuno sang Committee on Markets nga 248 tanan ka mga vendors ang nagpabutyag sang interes nga makabaligya sa atubang sang patyo, nalakip na diri sa Burgos Public Market, Libertad Market kag Bacolod Public Plaza.
MNatalana ang ila pag-display sang produkto sugod Oktubre 29 asta Nobyembre 2.
Nagapangabay si Flor sa mga vendors nga kuntani siguraduhon nga masarangan sang mga bumalakal ang ila mga produkto halin sa bulak kag mga kandila nga masami nagasaka ang presyo kun tigkalalag.