Ginpangunahan sang Bureau of Fire Protection -Bacolod City ang amo nga aktibidad bilang kabahin man sang pagsaulog sang Fire Prevention Month.
Lima ka CFAG ang nag-intra sa idalom sang Barangay Category, lima man ang sa company category, kag pito ang sa school category.
Ang mga kompetisyon ginalakipan sang fire hose relay, bucket relay, tug of war, kag emergency situation response. Ang mga madaog sa tagsa ka category ang mangin tiglawas sang siudad sa provincial level sa masunod nga tuig.
Ginsiling ni Deputy Chief Fire Inspector Jemarie Tapiru, tuyo sang sini nga kompetisyon nga mahibaluan ang kapasidad sang mga rescuers sa tion sang emerhensya.
Ginahaylo man sang BFP ang tagsa ka mga kabarangayan kag private companies sa siudad sang Bacolod nga magtukod sang kaugalingon nga CFAG. Tuyo sang BFP nga mangin mapaayo pagid ang emergency response sang siudad paagi sa amo nga inisyatibo.
Dugang ni Tapiru, ang CFAG ang mangin first line of defense sang publiko enkaso nga may mga sunog ukon emerhensya nga matabo sa ila nga lugar.*
[sibwp_form id=1]