FIBA-SEABA Women’s under 18 opisyal nga nagbukas sining Martes, Hunyo 2. Hatagay sang libre nga tickets, first come first served.
Opisyal na nga nagbukas ang hinampang para sa FIBA-SEABA Women’s Under 18 Basketball Qualifiers sa STI West Negros University Gymnasium sa Bacolod City.
Lima ka pungsod ang magasambuwa sa ini nga kompetisyon. Lakip diri ang Pilipinas, Thailand, Vietnam, Singapore, kag Indonesia.
Sumugod sini nga hapon, Hunyo 2 tubtob sa Hunyo 6, temporaryo man nga sirad-an sang BTTMD ang Agustin Drive sa likod sang STI-WNU kada las 3 sang hapon tubtob las 11 sang gab-i.
Samtang, ginsiling naman ni Bacolod City Mayor Greg Gasataya, nga libre lamang ang tickets sa tanan nga hampang apang first come first served basis lamang ini.
Nagpahamtang sang isa ka booth ang City Mayor’s Office sa gwa sang venue para sa paghatag sang amo nga tickets.
Apesar sa kabudlayan sa trainings, nagapati man ang coach sang Gilas Pilipinas nga si Alexander Arespacochaga nga sarang ma depensahan sang Gilas ang kampyonato.
Isa sa mga pinakabata sa team amo ang bugal sang Silay City nga si Zia Oñate.*
[sibwp_form id=1]