Vice Governor Jeffrey Ferrer ang na appoint bilang Personal Adviser to the President for Western Visayas.
Naka post sa page sang bise gobernador ang iya nga pagsapol sa kay Presidente Ferdinand Marcos, Jr. Yara man si Speaker of the House Martin Romualdez, Special Assistant to the President, Anton Lagdameo kag Executive Secretary Vic Rodriguez.
Suno kay Ferrer indi man pwede nga ma appoint siya bilang Presidential Adviser bangud nga elected official siya kag indi niya luyag nga bayaan ang mandato nga ginhatag sa iya sang mga nagboto sa iya.
Iya gina lantaw ang bentaha nga madala sini sa probinsya bisan pa sa bilog nga Western Visayas nga may yara sang direct access sa kay President Marcos.
“If I will be the presidential adviser or presidential assistant indi pwede indi pwede because elected ko. I have to decide. I will not abandon my post as mandated by the people, 890,000 votes ta. Indi ko na sila pag i-abandonar kay gintagaan man kita mandate diri sa province. Second, I would be also nga makabulig man connect didto sa presidente, kay maka bulig man ako dako diri sa probinsya. Since, that I am one of the trusted persons of the president and even in the Western Visayas”, suno kay Ferrer.
Pila naman sa gintalakay niya sa presidente amo ang plano sa pagpatukod sang Heart, Lung and Kidney Center sa probinsya. Damlag pa nag file na sang hagna si 4th district Representative Juliet Marie Ferrer para sa Heart, Lung and Kidney Center.
Ginsiling sang presidente suno kay Ferrer nga kun may yara na nga daan sang facility nga pwede ma develop mas maayo sang sa mag patukod pa. Ang igasto sa pagtukod sang building pwede nga magamit na lamang sa pagbakal sang equipment. Willing man kuntani suno sa bise gobernadora ang probinsya mag donate sang duta.
Sa pihak nga bahin, iya man gin recommend si anay Mayor Esteban Coscolluela sa Department of Agriculture kag Sugar Regulatory Administration.
Gin talakay man ang gina duso nga Negros Island Region suno kay Ferrer.