Farmer beneficiaries nagapensar na nga mag untat na lang sa pagtanom sang tubo kag ipa ariendohan ang duta nga gin award sang gobyerno.
Nagapati ang mga farmer beneciaries sa idalom sang National Federation of Sugar Workers nga matig-a na para sa gobyerno nga ipatuman ang suspension sa excise tax kag value added tax sa produkto petrolyo agud nga indi man matam-an ang mga kasubong man nila nga konsumedor sa epekto sang padayon nga pagsaka sang presyo sang petroleum products.
Ang mangunguma nga si Argene Geron nagaplano na nga ipa ariendohan anay ang bahin sang duha ka ektarya nga duta nga gin award sa iya paagi sa Comprehensive Agrarian Reform Program sang gobyerno.
Indi naman abi maagwanta suno sa iya ang presyo sang abono nga nagalab ot na sa tag dos mil otso siyentos pesos ang sako.
Upod sa katapo sang Kilusang Mambubukid ng Pilipinas nagalaum sila para sa dugang nga sweldo kag subsidy antes pa man mapilitan nga mag untat na lang sa pag tanum sang tubo.
Nagapawagan sila nga mabasura ang Oil Deregulation Law kag nagapamatuk sa plano nga mag-import sang kalamay.