May 779 tanan ka mga eskwelahan sa Negros Occidental kag Western Visayas ang nag-shift sa alternative delivery mode of learning tigaylo sang face to face classes kasunod sang paglupodk sang bulkan Kanlaon.
Sa datus nga gin-release sang Department of Education Western Visayas as of December 10, 12:40 pm, may cancellation sang face to face classes kag pag shift sa alternative delivery mode of learing kaangay sang modular ukon online sa mga eskwelahan sakop sang division sang Antique, Bago, Guimaras, Himamaylan, Iloilo Province, La Carlota, Negros Occidental kag San Carlos. May 337,053 ka mga learners ang sakop sini.
Suno kay Hernani Escullar ang spokesperson sang DepEd Western Visayas, tinutuyo sang shift sa mode of learning nga magapadayon ang pagtuon sang mga kabataan.
Maga hulat naman sila sang instruction sang LGU samtang padayon nga gina monitor ang sitwasyon sang Kanlaon.
May suspension man sa klase sa Canlaon City.
Nag shift man sa remote learning modalities ang UP Miag-ao campus sini nga Disyembre 10 bangud man sang ash fall kasunod sang paglupok sang Kanlaon.