Ginsiling sang Department of Justice nga ang extradition case ni anay Negros Oriental 3rd District representative Arnolfo Teves, Jr., ang ipaidalom liwat sa bag-o nga proceedings sa Timor Leste.
Ang bag-o nga proceedings, ang resulta sang procedural objections nga ginhimo sang kampo ni Teves sa Timor Leste.
Gani ginpaabot nga ma delay ang iya nga extradition case.
Naga kumpyansa naman ang DOJ nga ang mangin resulta sang bag-o nga proceedings ang mangin pareho sa nauna nga desisyon nga magapangatubang si Teves sang multiple murder charges nga ginpasaka batuk sa iya sa Manila court.
Si Teves ang ginatudlo nga mastermind sa pagpatay kay Negros Oriental Governor Roel Degamo.