Sa pagsinapol sang katapo sang Solid Waste Management Board nakasugtan nga mapalawig pa sa sulod sang apat ka bulan ang kontrata sang IPM-CDC nga natalana kuntani magatakop sini bulan sang Disyembre.
Ginsiling ni Mayor Albee Benitez kabahin naaprobahan ang formulation sang terms of reference para sa panibag-o nga kontrata sang kumpanya nga interesado maghakot sang basura kag mag-maintain sang landfill sang siudad.
Ginsiling sadto sang alkalde nga may walo na ka mga interested bidder para sa proyekto.
Luyag sang alkalde nga malakip sa terms of reference ang bahin sa pag-recycle sang mahakot nga basura agud mapahagan-hagan ang problema kadungan sa paghatag sang dugang nga palangabuhian sa pumuluyo.