Ginsiling ni anay Congressman kag karon TESDA Director General Francisco Benitez nga asta karon nagapadayon ang upgrading project agud makaayo kag mapasanyog ang paslidad sa Bacolod- Silay Airport.
Kabahin sa ginadihon sa karon ang expansion project agud mas mapalaparan kag mapalaba ang masobra 2,000 meters nga runway.
Ginsiling naman ni Bacolod City Mayor Albee Benitez nga na-cancel sadto ang mga nahauna nga unsolicited proposal para sa airport expansion paagi sa Public Private Partnership.
Pero karon may panibag-o na nga proponent nga handa magpatuman sang proyekto upod sa Department of Transportation.
Nagliligad pa nga administrasyon sang ginduso sang Bacolod LGU ang expansion project sa airport agud nga makabaton ini sang mga international flights.