Nagresponde ang kapulisan sa report sang isa ka eskwelahan sa Barangay Granada, Bacolod City nga may isa ka estudyante nga nakuhaan sang suspected marijuana, Miyerkules nga adlaw.
Nag-gwa sa imbestigasyon nga nagpatigayon sang routine inspection sa entrance sang eskwelahan ang security personnel kag nakuha sa 17-anyos nga lalaki ang tatlo ka pakete nga may unod nga 8 grams sang suspected marijuana, may standard drug price nga P960.
Narekober man sa estudyante ang ceramic pipe, gunting kag disposable lighter,base sa report sang Bacolod City Police Office.
Gin-submit sa Forensic Laboratory ang nasambit nga suspected marijuana para sa examination.
Yara karon sa custody sang Department of Social Services and Development ang estudyante.
[sibwp_form id=1]