Gin-serbe sang agents sang Bureau of Immigration-Region 7 kag sa ila central office sa Manila ang Mission Order nga gin-issue sang BID Commissioner batok sa Estonian vlogger nga ginakabig “undesirable alien” bangud sang iya pagsupak sa Philippine Immigration Act of 1940.
Bangud sini, posible nga iga-deport ang Estonian national.
Damlag lang, gindakup ang Estonian vlogger bangud sa reklamo nga pagkuha sang video sa mga kabataan nga wala sang pahanugot ukon wala makalisensya sa ila mga ginikanan.
Gin-serbehan sang search warrant ang foreign national sa complaint nga gin-file sang isa ka residente sa Bagacay, Dumaguete City sa kaso nga Anti-Photo and Video Voyeurism Act of 2009.
Gindeklarar man nga “persona non grata” sang Sangguniang Panlungsod sang Dumaguete ang Estonian national bangud sa iya mga social media posts nga nagapakanubo sang mga kababayen-an sang siudad.
Nagpangayo sang pasaylo ang Estonian national, samtang gindayaw ang katahum sang Dumaguete kag sang mga pumuluyo. Suno sa iya palangga niya ang Dumaguete kag ang Pilipinas apang kinahanglan niya nga atubangon ang konsekwensya sang iya mga sala nga nahimo.*