Nahuman na ang public hearings and consultation para sa wind energy project sa siudad sang Bago nga nagasakop sa pito ka mga barangay.
Ginsiling ni anay governor Rafael “Lito” Coscolluela, nga karon provincial consultant for environment and energy nga tigayon na naka kuha sang Resolution of No Objection ukon RONO ang Bago-Negros Energy Corporation para sa 150 MW nga wind power project sini gikan sa mga barangay.
Sakop ang Barangay Calumangan, Napoles, Taloc, Sampinit, Busay, Balingasag kag Lag-asan sa amo nga proyekto.
Wala pa sang RONO gikan sa probinsya suno kay Coscolluela kay maga submit pa lamang sila sang resulta sang mga gin patigayon nga hearing kag dugang nga mga impormasyon.
Gin hinyo ang evaluation sang Philippine Biodiversity Conservation and Foundation bahin sa proyekto labi na ang epekto sang pag patukod sang towers sa mga migratory birds nga naga sayo sa lugar.
Suno kay Coscolluela indi sila luyag ang proyekto may yara sang negatibo nga impact sa environment.
Ang Bago City kabahin sa RAMSAR site ukon ang Negros Occidental Coastal Wetland Conservation area.
Damlag pa ginsiling sang opisyal sang Sermsang Power nga isa ka Thai-owned company kag amo ang investor, nga nakita nila ang potential sang wind farm nga pagatukuron sa Bago City. *
[sibwp_form id=1]