Engr. Ceballos gin-appoint na bilang City Engineer sang Bacolod matapos mag O-I-C sang masobra 3 ka tuig

Sa media interview, ginpahayag ni Ceballos nga iya nabaton ang iya nga appointment papers sadtong Pebrero 11. Natalana naman nga mag concur sang Sangguniang Panlungsod bahin sa iya nga appointment.

Antes siya nangin officer-in-charge sang City Engineer’s Office sang 2022, nagserbi si Ceballos bilang Assistant City Engineer sa pila ka tuig. Dugang pa niya nga 34 na ka tuig siya nagatrabaho sa gobyerno, umpisa pa sang administrasyon ni Mayor Alfredo Montelibano Jr.

Iya pa gin siling nga nag sugod sya bilang casual employee nga nagapanghakwat sang semento, kag pinaagi sa pagpanikasog, na-promote tubtob nga mangin department head.

Nagpasalamat si Ceballos kay Mayor Greg Gasataya sa pagsalig kag pagpili sa iya para sa amo nga posisyon.*

[sibwp_form id=1]