Ginpamatbatan sang korte nga guilty si Andres Tacolod angut sa mga kaso nga ginpasaka batuk sa iya sang mga opisyales sang Barangay Sum-ag bangud sa gina siling environmental violations sa iya nga resort sa Barangay Pahanocoy, sa Bacolod.
Kaina lang sang aga nagpagwa sang desisyon ang Branch 44 sang Regional Trial Court sa siudad sang Bacolod nga napetsahan Agosto 26, 2025.
Ang onse ka pahina nga desisyon ang ginpirmahan ni Presiding Judge Ana Celeste Bernad.
Nasaad sa desisyon nga guilty beyond reasonable doubt ang ginareklamo nga si Tacolod bangud sa paglapas sang pila ka mga environmental laws parehos sang Philippine Fisheries Code of 1998 kag Revised Forestry Code of the Philippines.
Nag ugat ang problema sang gin alegar nangtapas sang mangroves si Tacolod para sa pag-develop sang iya resort.
May gin-reclaim pa gid siya nga duta nga kabahin na sang Sum-ag River.
Suno pa sa kapitan wala pa natapos ang ila gina pakigbato kay maga file pa sang motion for reconsideration ang kampo ni Tacolod.