Gin-dismiss gikan sa serbisyo ang Agriculturist 1 sang Office of the Provincial Agriculturist nga in-charge sang warehouse sang probinsya sa Bago angut sa na-missing nga 789 ka sako sang abono.
Sa desisyon nga ginlagdaan ni Governor Eugenio Jose Lacson sadtong Agosto 8, nasapwan nga administratively liable sa kaso nga grave midsconduct, serious dishonesty kag malversation of public funds or property si Herminigildo Basilio.
Wala labot sa dismissal sa service may cancellation man sang iya nga eligibility, perpetual disqualification sa pag hold sang public office, kag barred man siya sa pagkuha sang civil service examination.
Na forfeit niya man ang iya retirement benefits. Suno kay Provincial Legal Officer, Alberto Nellas, Jr., nabaton ni Basilio ang desisyon Agosto 14 kag may 15 diyas siya humalin sa pag baton sini sa pag file sang appeal sa Civil Service Commission.
October 2022 sang natukiban nga na missing ang sinako-sako sang abono nga may kabilugan nga balor nga 2.3 million sang maga withdraw na kuntani gikan sa RPC warehouse, sang ila nga share ang banwa sang Cauayan pero wala na natigayon bangud wala na sang may nabilin pa.
Suno kay Nellas ang pagbaton sang amo nga delivery nanday Basilio kag kaupod sini nga si Joy Cardinal nga Agriculturist 1 man, sang abono ang wala sang coordination gikan sa gobyerno probinsyal.
Las 9 sang gab-I natigayon ang delivery nga indi na nalakip sa office hours, kag wala man gani sang approval gikan sa pamuno sadto sang OPA suno kay Nellas.
Kun pabayaran pa ang missing nga abono depende na sa Department of Agriculture suno kay Nellas nga amo ang naghatag sang natungdan nga abono. Na terminate na damlag pa si Cardinal.
Neg resign naman damlag pa ang immediate supervisor ni Basilio.
Gintinguhaan sang Digicast Negros nga makuhaan sang bahin si Basilio pero wala siya malabt-ot.