Ang subject sang warrant amo si alyas “Panoy”, 45-anyos, isa ka empleyado sang Hinigaran Municipal Disaster Risk Reduction and Management Office.
Nakuha sa raid sa balay ni alyas “Panoy” ang isa ka chrome-finished Colt MK IV Series 80 nga caliber .45 pistol, isa ka magazine assembly kag tatlo ka rounds sang mga bala.
Suno sa report, isa ka concerned citizen ang nagreklamo nga gina-pakita-kita ni alyas “Panoy” ang iya pusil kag nagapamahog siya nga maniro.
Matapos ang casing kag surveillance operations, napamatud-an sang mga police operatives nga indi lisensyado nga firearm holder si alyas “Panoy”, gani sila ang nag-apply sa Korte para sa search warrant.
Detained karon sa custodial facility sang Hinigaran PNP ang gindakup kag kaso nga illegal possession of firearm ang ipasaka batok sa iya.*
[sibwp_form id=1]