Emergency response vehicle, carpooling ihanda sang Bacolod LGU kun mag-untat byahe ang traditional jeepneys.
Madayon man ukon indi ang ginaplano nga pag-untat byahe sang mga traditional jeepney organization, nakahanda na ang mga emergency response vehicle sang Bacolod DRRMO nga sarang gamiton ilabi na kun peak hours.
Nagapati si City Administrator Lucille Gelvolea nga magluwas nga may mga modernized jeepneys nga magapadayon nga maga-byahe sarang nga ipatuman sang siudad ang carpooling system ukon pag-share sang libre nga sakay sa mga pasahero kag empleyado sang siudad.
Gindugang ni Gelvolea nga gina-respeto sang siudad ang plano sang traditional jeepney groups. Pero ginapaabot niya nga mangin malinong ang ginapaabot nga strike.
Ang katapo sang United Negros Transport Coalition nagpabutyag sang ginaplano nga transport strike kun ipatuman ang pagpanakop sang mga traditional jeepney units nga ginakabig colorum ukon wala sang permit kag franchise.