Gina pa validate sa karon sang Enforcement Division sang Environment Management Division 6 ang report nga naga sige ang earthmoving activities sa palm oil plantation sa banwa sang Candoni.
Ini suno kay Forester Vicente Losbañes nga pamuno sang Enforcement Division kasunod sang impormasyon nga ginpadangat sa ila nga talatapan apesar sang Cease and Desist Order nga ila na ginserbe sadto sa Hacienda Asia Plantations Inc ukon HAPI nga amo ang naga operate sang palm oil plantation.
Ginsiling naman ni Candoni Mayor Ray Ruiz sa Digicast Negros nga sa ila nga monitoring wala man sang movement sa mga bulldozer sang kumpanya. Ang pag pananom lamang sang oil palm ang naga sige. Adlaw-adlaw may tawo ang banwa suno kay Ruiz nga naga monitor pero ang impormasyon ang iya man ipa-validate.
Damlag pa ginsiling na sang HAPI sa sulat kay Governor Eugenio Jose Lacson nga sila ang maga comply sa mga gina pangayo sa ila lakip na ang Environmental Compliance Certificate antes sila maka padayon sa ila iban nga operation.
Suno kay Losbañes, sang nagligad nga adlaw gin patigayon na ang technical conference nga ginpamunuan sang EMB upod sa tiglawas sang HAPI.
Dugang pa niya naga patuman na sang nagakaigo nga tikang ang HAPI para maka comply sa ECC pero dapat man suno kay Losbañes ang isyu nga gina padangat sang mga katapo sang indigenous peoples ang ila nga hatagan sang atensyon.
Suno sa iya indi maka release sang ECC ang EMB kun ang isyu angut sa IPs ang indi man masabat.
Klaro niya ang ECC indi pemit kundi planning tool para maka comply ang kumbuyana sa environmental laws.
Gina hulat man sang EMB ang DENR bahin sa kaundan sang IFMA ukon Integrated Forest Management Agreement nga gin-issue nila sa HAPI para mapat-od man ang delineation sang duta – kun pila ang sakop sa forest trees kag ang para sa palm oil plantation kag kun nasunod ini sang HAPI.
Samtang gina hatagan man nila sang konsiderasyon nga i-refer man ang issue sang HAPI sa Philippine Coconut Authority.
“Subject for validation ang report. Isa na sang mga commitment nila in a meeting the other day with Director Pascua ginahulat namon ang ila documents like sang ila nga 25 years comprehensive development plan and other supporting documents. Even ma kumpleto na nila ang documents indi kami maka issue ECC unless ma settle ang complaint with the IPs”, suno kay Losbañes.