Ini pa mapat-od ang gintunaan sang pagkasunog sang Colegio de Sta. Rita sa San Carlos City sang Lunes.
Ginpatuhoy na sang Bureau of Fire Protection – San Carlos ang natipon nga ebedensya angut sa sunog nga nagluntad sa ila nga National Headquarters.
Suno kay Chief Insp Rufino Tañedo, ang City Fire Marshall, ginpadala nila ang ceiling fan kag iban nga may angut sa electrical nga kagamitan bilang ebedensya sa natabo nga sunog para mapat-od sang Arson Laboratory sa National Headquarters kun ano ang gintunaan sang kalayo.
Mga 14 diyas pa gina paabot kag mahibaluan ang cause of fire suno kay Tañedo. Napadala na man nila ang investigation report sa Provincial Headquarters.
Gikan sa first floor sa Treasurer’s Office nagsugod ang kalayo suno kay Tañedo. Nagapabilin sa 18 million pesos ang balor sang kahalitan.
“Ang aton nga pieces of evidence ipadala naton sa National Headquarters for further investigation sang aton nga Arson Laboratory para ma determine ang cause of fire”, suno kay Tañedo.
Samtang, sa bahin sang siudad, luyag nila nga mapasiguro nga sa Madali nga panahon tigayon maka balik ang klase sang mga estudyante.