Pilason ang isa ka foreigner matapos ini gin sulod sa ila balay sang apat man ka mga foreigner kag gin kastigo.
Ang biktima amo si James Daniel Mostyn, 58 anyos kag isa ka retired US Marine. Sa imbestigasyon sang PNP, gin sulod sang apat ka mga suspek nga sanday Mark Higgins kag Day Stuart Ian nga mga British Nationals, Johnston Shannon Christopher, isa ka American kag Gerard Lukkaniuk nga isa ka Canadian, ang balay ni Mostyn.
Sang makita siya, gin atake siya sang duha ka mga suspek gamit ang bitsukorno. Bangud nga isa siya ka anay marine, nag bato man ang biktima rason kun ngaa pilason man ang duha.
Ang Canadian naman ang nag palupok pa sang iya armas apang ini ang naigu lang sa bentana.
Tigayon man nga na aresto ang apat ka suspek kag tatlo sa ila ang ginpasakaan sang kaso nga attempted homicide. Nakuhaan man sila sang mga bitsukorno kag pusil nga may mga bala.