Sa boto nga 6-5 gin deny sang Dumaguete Council ang gin pasar nga motion for reconsideration ni Councilor Joe Kenneth Arbas angut sa gina siling questionable nga proyekto sa idalom sang public private partnership code.
Lima lang ka konsehal sang siudad ang nag boto pabor sa pag withdraw sang authority nga ginhatag kay Mayor Felipe Remollo para mag lagda sang memorandum of understanding upod sa construction firm nga amo ang maga himo sang proyekto.
Anum naman ang indi pabor nga i withdraw ang gin hatag nga authority sa alkalde.
Samtang, unanimously approved naman sang konseho ang motion para i withdraw ang resolution of no objection sa proyekto nga damlag pa gin pasar na.
Ang kontrobersyal nga reclmation project nga handum amo ang mag transform sang coastal area sang Dumaguete City bilang isa ka smart city ang gin ulan sang reklamo gikan sa nag kalain lain nga mga grupo lakip na ang mga environmentalist kag Simbahan Katoliko.
Isa sa ila ginabalabagan amo ang mangin dako nga halit sini sa marine environment sa coastal area sang Dumaguete lakip na ang pag apekto sini sa pangabuhian sang pila ka mga residente sa siudad.