Nadakpan sa akto nga naga pang utod kag nagapangawat sang mga kable sang PLDT, ukon wala sang permiso halin sa kompanya ang duwa ka nagpakilala nga technician sa Barangay 4 sa Bacolod City.
Sila kanday Francis Den Tan, 21 anyos kag Jeric Marone, 29 anyos.
Sa report sang Police Station 2, nakumpiskar sa mga suspek ang kable sang PLDT nga may kalaba-on nga 66 feet kag nagabalor sang 26,500 pesos, salakyan nga ginapanag-iya sang INSCIO Cable and Communication Supply Corporation, kag hagdanan nga gingamit sa pagpangawat.
Yara na sa kustodiya sang Police Station 2 ang mga arestado kag maga pangatubang sa kaso sang pagpangawat.