Anum ka mga kandidato nagpa-check sang ila nga mga dokumento may kaangtanan sa filing sang Certificate of Candidacy para sa duha ka mga separado nga position sa Comelec-Bacolod.
Ginkumpirma ni Comelec- Bacolod Election Officer Atty. Revo Sorbito nga may anum na ka mga aspiring candidates ang damlag nagpa-check sang ila mga requirements para sa filing sang Certificate of Candidacy sa duha ka mga separado nga position nga ila ginatuyo nga padalaganan sa 2025 elections.
Wala na ginhingadlan ni Sorbito ang mga kandidato nga ginapatihan sarang mag-file sang substitution ukon mag-ilis sang ginatuyo nga padalaganan nga posisyon sa 2025 local elections.
Kadam-an sa ila interesado sa mga higher elective position.
Nagpanugyan si Sorbito nga sarang matigayon ang substitution kag pag-ilis sang papilian nga elective position antes sang deadline sang filing sang COC sa October 8.
Magluwas sa kaso sang disqualification kag possible nga pagtaliwan sang kandidato, pwede mag-field sang substitute candidate ang political party antes sang adlaw sang pinili-ay.