Digicast Negros

Duha ka gina alegar NPA nga naga dala sang mga armas kag granada, gin aresto sang army

Arestado ang duha ka mga persona matapos ma aktuhan sang army nga may dala nga armas sa Barangay Buenavista sa Himamaylan City, Miyerkules sang aga.

Ang mga gindakop amo sanday Joenefer Hermino kag Glenn De Baguio nga lunsay mga mangunguma.

Sila ang suno sa army mga miyembro sang Sentro de Gravidad Platoon sang New People’s Army.

Sandig sa report sang Himamaylan PNP, ang tropa sang 94th Infantry Battalion ang ntaga patigayon sang combat operation sang ila nakita ang duha nga naga bitbit sang armas.

Nag tingua pa kun tani mag palagyo ang duha pero sila ang nadakpan sang mga army.

Gilayon sila gin dala sa Himamaylan PNP kag gin turn over man ang mga recoveries.

Nakuha sa duha ang isa ka hand grenade, duha ka improvised shotgun, kag madamo nga mga bala.

Detained na karon ang duha kag sila ang magapangatubang sang kaso nga illegal possession of firearms and ammunitions kag illegal possession of explosives.

Exit mobile version
Skip to toolbar