Ginakinahanglan ang dugang nga police personnel nga maga bulig sa pagbantay sa Banago port angut sa kampanya kontra ASF.
Suno kay Provincial Administrator Rayfrando Diaz, bangud nga may kakulang man sa karon sa pulis ang Bacolod City PNP, maga hinyo ang probinsya sa Negros Occidental PNP sang tatlo tubtob apat ka mga pulis nga ma assign sa Banago port angut sa monitoring sang joint ASF Task Force sa gina patuman nga ban sa pork kag pork products.
Sa November 1 to 3 nga report sang Provincial ASF Task Force, 35,214 pesos ang balor sa mga nadakup kag masobra sa 22,000 pesos ang gikan sa Banago kag Bredco Port.
Ini ang ginkumpiska kag gin sunog. Hugot nga gina patuman ang pork banning sa mga lugar nga may ASF cases sa tinutuyo nga mapangapinan ang industriya.
Sang Oktubre masobra sa 448, 000 pesos nga balor sang pork kag pork meat products ang nadakup sa mga entry points sang Negros Occidental kag Bacolod.
Pila sa mga na intercept nga produkto ang gin ship back kag may mga ginsunog naman suno kay OIC-Provincial Veterinarian, Dr Placeda Lemana.