Sa inspection nga ginpatigayon sini nga Lunes sa Cabacungan Public Market sa La Castellana, tigayon naman naka recover sang peke nga Magic Sarap seasoning.
Mismo ang market supervisor sang banwa nga si Leoven Nicor upod ang iya nga personnel ang nag panguna sa market inspection sang aga.
Natukiban ang mga peke nga Magic Sarap seasoning gikan sa mga magagmay nga baligyaan sagwa.
Suno kay Lajo ini ang gin pang confiscate. Sang nagligad nga semana, sa merkado sa town proper may mga natukiban man nga peke nga mga Magic Sarap seasoning.
Sa inisyal nila nga impormasyon gina dul-ungan lamang ang mga nakabaligya sang peke nga Magic Sarap.
Abiso ni Lajo sa mga bumalakal nga dapat mag andam batuk sa mga peke nga gina baligya.
Una suno sa iya mas maayo nga mag bakal sa mga masaligan nga baligyaan, ang kolor sang packaging may kinalain sa original suno sa iya kag ang baho mismo sang original nga Magic Sarap seasoning lain bisan pa ang tsura sang granules sini.
Sang nagligad lamang nga semana may isa ka Chinese National kag isa ka babaye ang gindakop sa Bacolod bangud sang peke nga mga seasoning sa entrapment operation nga ginpatigayon.
[sibwp_form id=1]