Sa tion nga mag panaog pa gid ang Alert Level status sang rehiyon, gina paabot nga maga damo pa gid ang mga eskwelahan nga malakip sa expanded face to face classes.
Suno sa Assistant Regional Director sang Department of Education, Pedro Escobarte, Jr. sa karon may 68 ka mga eskwelahan sa bilog nga Western Visayas ang nalakip sa expanded face to face classes. 16 diri ang sa idalom sang Negros Occidental Division.
Damlag pa sa bilog nga rehiyon may 20 ka mga eskwelahan nga gin aprobahan sa pilot limited face to face classes.
Paathag ni Escobarte, progressive ang expanded face to face classes nga naga kasayuran nga depende sa Covid situation sang lugar, lakip na ang iban pa gid nga compliance sarang madugangan ini.
Halos ang tanan nga mga manunudlo kag katapo sang DepEd ang nabakunahan naman. Luyag man sang DepEd nga mataas ang vaccination rate sa mga estudyante para mapasiguro ang safety sang tanan.