Site icon Digicast Negros

Dugang nga mga bakuna nag abot sa Negros Occidental

CAAP Bacolod photo

Nag amat-amat na saka ang kadamuon sang mga senior citizen nga nag pabakuna kontra Covid-19.

Ini suno kay Negros Occidental Governor Eugenio Jose Lacson nga nagsiling man nga isa man sa luyag hatagan atensyon sang probinsya amo ang mga katigulangan nga may kabudlayan sa pagpadulong sa mga vaccination center, ilabi na ang mga yara sa kabukiran.

Suno sa gobernador, ginapangitaan sang probinsya pamaagi para masabat ang amo nga pagpanghangkat. Damlag pa ginsiling ni Provincial Administrator Rayfrando Diaz nga gina patun-an ang pagpatuman sang pagbakuna sa mga kabarangayan tigaylo sa kinaandan nga mga vaccination sites. Suno sa gobernador, pat-uron kun kinahanglan magpatuman sang mobile vaccination.

Ginatutukan sa karon ang yara sa A2 category ukon mga senior citizen.

Samtang, may 10,000 ka dose sang Sinovac vaccine kag 600 ka dose sang ginbakala nga AstraZeneca vaccine ang nag-abot kahapon sa probinsya sang Negros Occidental.

10,000 man ka Sinovac vaccine ang nag abot sa Bacolod kag 3,600 doses sa ginbakal nga AstraZeneca.

Suno kay Lacson wala man sang abiso kun san-o naman maga abot ang mas daku nga supply sa ginbakal sang probinsya nga bakuna.

“There’s ang improvement. I think ang concern subong is there are senior citizens subong nga nabudlayan mag kadto sa vaccine center. That has to be figured out kun paano ma address na, especially sa kabukiran, ang mga balay to so far apart from each other. That is one concern that has to be addressed,” suno kay Lacson.

Skip to toolbar