Dugang nga hotel kag tourism features ang gina paabot nga ipatuman sa Mambukal Resort and Wildlife Sanctuary kasunod sang pagbakal sang probinsya sang duta sa palibot sang water falls kag mga suba.
Suno kay Provincial Administrator Rayfrando Diaz, tigayon na nga nabakal sang probinsya gikan sa Mambukal Real Estate Development Corporation ang 10 ektariya sang duta sa balor nga masobra 80 milyones pesos.
Ang dokumento para diri ang on process na. Suno kay Diaz indi lamang ang mga usual ukon kinaandan nga amenities ang mapaabot.
Nalakip sa plano ang dugang nga mga hotel rooms nga high end para sa mga foreign tourists.
Upod man diri ang pagdevelop sang palibot para sa hiking, biking, horseback riding, pag pahamptang sang tramline kag zipline karon nga gina panag-iyahan na sang probinsya ang propiedad nga naga palibot sa mga suba tubtob sa 7th falls.
Wala labot sa tourism nga aspeto, nalakip naman diri ang pag amlig sa palibot sa pag pasiguro nga indi maapektuhan ang water flow sa mga falls kag sa mga komunidad.