Sa mga wala pa makabakal sang school supplies mas maka barato kun mag avail sang mga bundle promo.
Humalin pa sang katapusan sang Mayo nag patigayon na sang price monitoring sa mga school supplies ang Department of Trade and Industry.
Suno kay Engr Lynna Joy Cardinal ang provincial director sang DTI Negros Occidental, nalakip sa ila nga mga gina monitor ang presyo sang notebooks kaangay sang writing, composition, spiral, yarn, mga pad paper nga naga lakip sang grade kag intermediate, pencil, ballpen, crayon, eraser, sharpener kag
ruler.
Santo naman ang mga presyo sa suggested retail price. Pero, abiso ni Cardinal, labi na sa mga wala pa maka bakal sang supplies nga i-avail ang mga bundle promos bangud maka kinot sa amo nga mga sahi sang promo.
Wala labot sa school supplies suno kay Cardinal regular nila nga gina patigayon ang price monitoring sa basic and prime commodities. Nag patigayon man sila sang price monitoring sa mga bugas nga yara sa grocery stores.
“May ara man kita gani iban naga promo. Mga bundles. For our consumers, our buyers, gina recommend na naton. Siempre maka less da sila. May mga aman-aman bala”, suno Cardinal.*
[sibwp_form id=1]