Pamuno sang Department of Trade and Industry sa rehiyon ang naga pahanumdom sa mga konsumedor nga mangin vigilant para mapangapinan ang ila nga tagsa ka kinamatarong.
Karon nga gina saulog ang Consumer Welfare Month, ginsiling ni Ermelinda Pollentes, ang
OIC-Regional Director sang DTI 6, nga kun magbakal sang produkto ehemplo pagkaon
ipasiguro nga ini ang nakarehistro sa nagakaigo nga ahensya sang gobyerno kasubong sa FDA
ukon Food and Drug Administration, may License to operate ukon may Certificate of Registration.
Suno kay Pollentes sa ini nga pamaagi may assurance sila sa produkto.
Sa pihak nga bahin, gina pasalig man sang Regional Director nga may nagakaigo nga supply
sang nagapanguna nga balaklon karon kag may maid-id nga monitoring sa presyo para man
mapangapinan ang mga konsumeder.
Suno kay Pollentes, ang gina siling pagsaka sa presyo karon sa mga balaklon ang yara sa ginatugutan nga kantidad sang gobyerno. Si Pollentes ang yara sa probinsya sa Kapatid Mentor Me Program Summit.
Ang KMME Program ang programa sang DTI kag Philippine Center for Entrepreneurship nga naga bulig sa pag equip sang mga Micro, Small, and Medium Enterprises ukon MSMEs sa ila nga negosyo paagi sa lecture, coaching, kag mentoring sessions.