Masobra sa P108M ang na-release nga educational assistance sang DSWD para sa mga estudyante sa Western Visayas.
Sa report sang DSWD Region 6, P108,249,000 ang na release nila as of September 17 sa 38,590 tanan ka mga estudyante sa rehiyon.
Sa Negros Occidental, 11,096 ka mga estudyante humalin elementary, high school, senior high school kag college ang nakabaton sang bulig.
As of September 17, P31,257,000 ang na release nga pondo sa probinsya.
Sa Western Visayas ang Iloilo Province ang may pinaka daku nga nabaton nga pondo – P37,295,000 nga nag benepisyo naman sang 12,371 ka mga estudyante.
Sa Sabado, Setyembre 24, ang katapusan nga releasing ukon payout para sa educational assistance.
Nagpa gwa ang DSWD sang target nga hatagan sini nga Sabado, sa nabilin nga pondo para sa educational assistance.
1,571 ka mga estudyante ang pagahatagan sang assistance sa Negros Occidental kag 537 naman para sa Bacolod.
Nagapahanumdom liwat ang DSWD nga wala sang walk-in.