Nagapungko sa computer shop ang 43-anyos nga lalaki sang siya ang gintiro sang gunman sa Rachel Store, San Jose 2 sa Barangay Sum-ag, Bacolod City, mga la-1:27 sang kaagahon sang Lunes, Hunyo 1.
Pila ka igo sang bala ang naangkon ni alyas “Butsoy”, taga Brgy. Sum-ag, nga ginakabig sang pulis nga isa ka drug personality.
Ang gunman nakasuksok sang helmet kag nalagyo angkas sang scooter-type nga motor, nga gina-maneho sang iya upod.
Narekober sa crime scene ang pito ka suspected .45 caliber fired cartridge case kag apat ka fired bullets.
Ginsiling ni Police Captain Andy Ofalia, hepe sang Police Station 9, may record nga carnapping ang biktima.
“Daw amo pa lang na nakita namon, drug-related activity. Kay naga-involved siya sa illegal drugs. Sa lawas ang iya igo, damo,” pahayag ni Ofalia.*
[sibwp_form id=1]