Balor sang kahalitan sa pananum sa probinsya ang nagsaka sa 184.7 million pesos.
Sa report sang Office of the Provincial Agriculturist kay Negros Occidental Governor Eugenio Jose Lacson, as of April 16, masobra sa 180 million pesos ang halit sa humayan kag masobra naman sa 4.7 million ang kahalitan sa maisan. Ang banwa sang Cauayan ang may pinaka daku nga gin-report kahalitan sa humayan nga nagdangat sa 67.8 million pesos. Naga sunod naman ang Kabankalan City nga nagdangat sa 41.9 million pesos.
Sa outlook nga gin-release sang PAGASA tubtob sa katapusan sang Mayo maka eksperiensya sang drought ang Negros Occidental upod ang Negros Oriental.
Ang drought nagakasayuran sang tatlo ka sunod-sunod nga bulan nga tuman ka diutay sang pag-ulan kun ipaanggid sa normal rainfall condition ukon may masobra sa 60 percent reduction sa pag-ulan kun ipaanggid sa average rainfall. Ginapaabot nga sa bulan sang Hunyo, wala na sang drought sa probinsya.