Sa video nga ginpost sang Land Transportation Office Negros Island Region nga kuha ni Mhego Moto Facebook Page makita ang isa ka itom nga Everest nga naga balabag sa isa ka modern jeepney nga maka labay.
Pagwarik sang drayber sang modern jeepney sa wala, nagsaylo man ang SUV para balabagan ini. Nag viral ang video kag nakalab-ot sa igtalupangod sang LTO.
Suno sa LTO natabo ang insidente sa Hernaez Ave., Brgy. Mansilingan, Bacolod City sa tabok sang Puregold. Para sa LTO delikado ang ginhimo sang driver sang SUV ilabi na nga may mga pasahero pa nga sakay sa modern jeepney.
Natalana nga dagdagan sang LTO sang show cause order ang drayber sang SUV.
Suno kay Jeck Conlu ang OIC – Regional Director sang LTO NIR, mas maayo nga magpadulong na lang sa ila nga talatapan ang drayber sang SUV nga naka rehistro pa sa Luzon.
Dugang pa niya wala nila gina tolerate ang reckless, aggressive kag delikado nga pag maneho sang SUV driver nga nagbutang sa risgo sakabuhi sang mga pasahero sang modern jeepney.
[sibwp_form id=1]