Nagtabog ang driver sang tricycle sa kalog, samtang nagasinggitan sang bulig ang menor de edad nga pasahero matapos gin-bungguan ang ila ginasakyan nga tricycle sang isa ka Toyota Fortuner nga SUV.
Bangud sang impact, nawasak ang tricycle.
Nagluntad ang insidente sa Rizal Street sa Barangay 2, banwa sang Isabela sa Negros Occidental, Sabado sang hapon.
Naggwa sa imbestigasyon sang kapulisan nga natulogan ang 62-anyos nga driver sang SUV, residente sang Guihulngan City sa Negros Oriental, rason nga nagkadto ang salakyan sa pihak nga lane kag nakabunggo sa nagasugata nga tricycle.
Nakaangkon sang mga pilas ang 30-anyos nga driver sang tricycle kag ang estudyante nga pasahero sini. Ang duha ka mga pilason ang residente sang Isabela.
Gindala sa Ignacio Lacson Arroyo Memorial District Hospital ang driver sang tricycle kag ang iya pasahero.