Napatay bangud sa suspected heart attack ang driver sang Ford Ranger pickup truck samtang tatlo ang pilason matapos niya mabungguan ang tatlo ka mga motorsiklo kag isa ka Mitsubishi Xpander, antes ini mabunggo sa pader sang isa ka balay.
Nagluntad ang vehicular incident sa J Pitong, corner Bonifacio Street sa Barangay IV, Silay City, mga las 11:30 sang aga sadtong Huwebes, Mayo 14.
Nag-gwa sa imbestigasyon nga gikan Rizal Street padulong Silay Airport nga direksyon sang pickup, sang gulpi nadula-an sang control ang driver nga si alyas “Dani”, 65-anyos, rason nga nasag-idan sini ang SUV nga nagabiyahe sa pihak nga linya.
Nabungguan man sang pickup ang ginasundan nga Yamaha Mio nga may duha ka naga-angkasanay kag ang Honda Click nga may isa ka rider.
Nakaangkon sang mga pilas ang tatlo ka mga nagasakay sa motor kag gindala sa Silay Hospital.
May naulamid pa gid nga isa ka motor nga naka-park sa higad sang dalan sa atubang sang isa ka restaurant.
Samtang, gindala sa Teresita Lopez Jalandoni Provincial Hospital ang driver sang pickup apang gindeklarar nga wala na siya sang kabuhi.
“Well, heart attack. Kainit sang panahon, udto adlaw to eh. Dead on arrival ang driver ng Ford Ranger tapos yung tatlo na-ospital. Ang na-sideswipe niya naman na Xpander wala man ya problema. Ang motor lang niya nga nasuso kay natumba dayon. Ang vehicle 5 amo na ang naka-park, wala na siya ya karga”, suno kay Garcia.*
[sibwp_form id=1]