Driver nga nakabunggo sa 83 anyos ginpapanaugan sang show cause order sang LTO

Ginpapanaugan sang Land Transportation Office sang show cause order ang driver nga taga banwa sang Ilog, nga amo ang nakabunggo sa 83-anyos nga pedestrian sa Barangay Sum-ag, Bacolod City nga nagresulta sa iya kamatayon.

Gin-serbe ang show cause order sang personnel sang LTO-Negros Island Region, upod ang Intelligence and Investigation Unit sa 49-anyos nga driver.

Nakasumite na sang iya explanation ang driver kag karon gina-review na ini sang LTO-NIR.

Naga-inulan sang nagtabok ang tigulang nga babaye kag nabungguan sang Ford Ranger pick up truck sa atubangan sang isa ka gasolinahan, sadtong Enero 31, 2026. Siya ang gindala sa Bacolod General Hospital apang gindeklarar nga dead on arrival.*

[sibwp_form id=1]